في رسالة وصرخة جريئة من الصيدلي نسيم زعرورة من قرية الرينة عمّم صوت صرخته عبر مواقع التواصل الاجتماعي يسرد فيها موضوعاً هاماً بسبب استعمال خاطئ للادوية والمخاطر التي حدثت إثر ذلك الامر: ننشر نص الرسالة كما وصلتنا...

‎سلام، ممكن يكون المنشور طويل بس مفيد جداً لأنه ممكن اي شخص يواجه هيك اشي.
‎خرّيج ألصيدلة نسيم زعرورة من قرية الرينه وواحد من الأشخاص الي أُصيب بضعف سمع نتيجة لإستعمال الادوية بشكل خاطئ وهاد كان أحد اهم الأسباب الي ألهمته انه يتعلم صيدلة ، وبمشروع تخرجه ناقش وبحث عن ال(drug -drug interactions )وال (over dose of drugs )بمعنى تفاعل الأدوية مع ادوية اخرى والجرعات الزائدة للدواء.

‎نتيجة هدول الحالتين المذكورات فوق كل سنه في معدل وفيات بتقدر ب 106 الف حالة وفاة بكل انحاء العالم غير الامراض المزمنه (chronic diseases )والاعراض الاخرى (side effects )اللي بتأدي لأسباب مرضية وعشان هيك الطالب نسيم لفت انتباهنا عشان صحتنا الي هي اغلى ما نملك.
‎باغلب العائلات وبكل بيت في عندها 
‎اكامول ،ديكسامول،، من مجموعة ال (paracetamol )
‎ايبوفين ، ادفيل ، اديكس ،، من مجموعة ال (ibuprofens )
‎اوبتالچين ،فيتلجين ،، مجموعة ال (dipyrone )
‎اسبيرين او ما يسمى acetylsalicylic acid
‎مضادات حيويه ) antibiotic ( كالاموكسيسيلين والاوچمنتين، رافابين والكثير الكثير من الادويه ،،، 
‎باللغه العاميه البسيطه والمفهومه هاي الادويه موجوده بكل بيت بكل سياره بكل محل تقريباً منستعملهن للحد من الصداع (headache)،التهاب الجيوب الانفيه (Sinusitis) ، التهاب الاذن (otits) ، التهاب اللوزتين (tonsillitis)، وجع كدمات بمنطقه معينه من الجسم (swelling)، و الإلتهابات البكتيرية والفيروسيه (bacterial and viral infections)هاي اذا عرفوا يشخصوا و يميزوا الفرق بين ال٢ ووجع الاسنان واللثه ، لتخفيض الحراره والتهيجات وحتى كمنوم ومريح للأعصاب والعضلات ولوجع البطن بكل انواعه .

‎بحب انوه انه ما بصير تستهتر بصحتك وتستعمل الدوا وحتى إن فادك بفتره قصيره توقع شو راح يصير باشياء ثانيه عالمدى البعيد 
‎ابسط مثال انا مثلا كنت طفل وضليت اوخذ دواء اسمه اوتومايسين (otomycin ) بسبب الجرعات الزائده او ما يُسمى علمياً( over dose )عالمدى الطويل سببت مشكلة بالعصب السمعي بسبب الاستعمال فوق المُوصى به بسبب غلطة دكتور كل مره يوصف نفس الدوا .

‎كمان مضاد حيوي الاموكسيسيلين amoxicillin او ما يسمى اوچمنتين augmentin او مكسوبين (moxipen) ال2 نفس الدوا الفرق الميكسوبين ٥٠٠ ملچ اموكسيسيلين والاوچمنتين 875 ملچ اموكسيسيلين ال2هدول بستعملوهن بحالات التهابات بكتيرية كثير ناس بستعملوهن بحالات خفض الحراره وَ أو الصداع لقلة الوعي بمجال الادويه وكيفية الاستخدام كثرة استخدامهن او اي مضاد حيوي بسبب تفاقم وحالات مرضيه والاسوء المضاد الحيوي بعودش يفيد من ورا تكيف الباكتيريا للاموكسيسيلين بما يسمى مقاومه للمضاد الحيوي (resistance) . 

‎واضيف مثال ثاني من الحالات الثانيه للاكامول (paracetamol )صارت حاله عنا بالبلاد امرأه بالثلاثينات من عمرها بعد ما روحت من عمليه بسيطه للمستشفى بنص الليل صابها الام حاد وشربت وكثرت من حبوب الاكامول عاساس يخف الوجع عندها ادى لوفاتها بعد 4 ساعات نتيجة تلف و تسمم الكبد من الباراسيتامول ( الاسم العلمي للاكامول ) بمعنى آخر مش كل ما زدنا جرعة الدوا يعني منستفيد اكثر لازم نتقيد بالتعليمات المكتوبة او بتعليمات الطبيب .

‎الاسبيرين كذلك من الادويه من الادويه خافضة الحرارة (antipyretic ) او حمى (fever)وبنفس الوقت بستعملوه مضاد تخثر للناس اللي عندها مشاكل قلبيه (anticoagulant ) ما بصير ينعطى للاطفال بالمره نتيجة استعماله مع الوقت بسبب (swellings of the brain )تورم في المخ او نوبات الرئه (lung seizures )او سكته قلبيه (cardiac arrest )وكثير حالات لا تحصى ولا تعد نتيجة تفاعل ادويه بأدويةمعينه أو نتيجة تناول جرعات بكميات لا يُوصى بها 
‎قسم كبير بعرف كيف يتصرف مع الدوا وفاهمه وقسم كبير بتقلل خواصها وبتستفسرش من الدكتور وقسم كبير بآمن كل الادويه نفس الشي بس علامات تجاريه مختلفه قسم كبير ناس عندها مشاكل قلبيه مشاكل كلى مشاكل رئه مشاكل بالدماغ مشاكل بالنخاع ماكل بالعضم كل انسان اله حالته الخاصه وادويه بتميزوا بشكل خاص ما بصير كلنا نكون نفس الشي ونفس الاستعمالات للادويه بالبيت .

‎ لمصلحتكوا لصحتكوا وصحة ولادكوا تستهتروش بحالكوا وانتبهوا شو تتناولوا حتى أبسط الاشياء الدوا قبل او بعد الاكل الها مفعولها وعمليتها بالجسم .
‎وبختم وبقول (الصحة تاجٌ على رؤوس الأصحاء لا يراها إلّا المرضى).

الكلمات الدلالية : الصيدلي, نسيم, زعرورة, رسالة, وصرخة, جريئة, خطأ, استعمال, الأدوية, سبب, مخاطر, صحيّة,